السلام عليكم ورحمة الله و بركاته
عايزة اخد رأيكم فى خاطراية صغننة بتزن على دماغى بقالها فترة !!
و كل ما أقول هكتبها خلاص .. اقرر استنى شوية ..
بس خلاااااااااص ..
اهى بقت عندكوا اهى ..
و عايزة أعرف رأيكم فيها ..
و هل انا صح ؟ ..
ولا أوفر ؟؟!!
* * * * * * * * * * * * * * * * * * * * * * * * * * * * * *
من فترة طويلة .. بدأت تظهر فى لغة الشات اختصارات زى
و كلها بتصب فى الاخر كأختصارات ل "السلام عليكم" و "السلام عليكم و رحمة الله و بركاته" ..
"و عليكم السلام" و " عليكم السلام و رحمة الله و بركاته "
اول مرة شفت الاختصار ده، أستغربت ..
مين اللى فكر فيه و ليه يعنى ..
قلت عادى .. ماهى كل لغة الشات فيه افتكاسات غريبة كدة !!
بس برده معجبنيش !!
كنت بفكر - و مازلت - فى قول الرسول - صلى الله عليه و سلم - " أبخلكم من بخل بالسلام " !
و بقول لنفسى .. يعنى انا أقعد اتكلم بالساعات على النت ..
و بعدين اختصر لفظ الجلالة " الله" فى حرف ال
!!!
طب و ليه ؟!
اللى قدرنى على انى اواصل لساعات بتكلم فى الفاضي و المليان،
يقدرنى اتكرم و اتنازل و اتواضع و أكتب
او اكملها للأخر حتى
يعنى هى ايدى جت على دى و وجعتنى خلاص !!
و لا انا اما وصلت للحتة دى، قررت انى زهقت و مليت من الكتابة !!
غريبة فعلا !!
و قررت ان الاختصار ده مش عاجبنى و مش داخل دماغى،
و انى مش عايزة استخدمه..
بس بعد كدة،
اتعلمت حاجة أحلى ،،،
حتى لو انا بكتب طول الشات بالانجليزى ..
ليه ماكتبش "السلام عليكم و رحمة الله و بركاته" فى أول الشات او أخره بالعربى !!
طب ماشى .. فيه ناس مش بتكتب بالعربى اصلا على ال
اوك !! ممكن نكتبها مرة و نحفظها كصورة و نرفعها مع بقيت ال
اللى عندنا !!
او زى ما بنجيب
من كل مكان ، ندور على واحدة مكتوب فيها " السلام عليكم و رحمة الله و بركاته"،
و دى موجود منها كتير دلوقتى .
تخيلوا معايا كم الحسنات اللى هنكسبها لو كل مرة بنفتح او نقفل شات،
نكتب العبارة كاملة
" السلام عليكم و رحمة الله و بركاته " ..
و طبعا انا عارفة اننا كلنا مقيمين اون لاين بلازمة و بدون لازمة ^_^
و بنقول " السلام عليكم " اون لاين أكتر ما بنقولها فى حياتنا اليومية اوف لاين !! ^_^
و بستثنى من رأيى ده رسايل الموبايل .. لأنها قصيرة و عدد حروفها محدودة
- معرفش هل انا صح فى ده ولا لأ -
ده كان رأيى .. و يحترم ;) !!!
و مستنيى أعرف ارآكم .. اللى لها عندى شديد الأحترام و التقدير :)
و السلام عليكم و رحمة الله و بركاته :)
