رمضان جانا و فرحنابه

رمضان جانا يا جماعة.. جانا بعد غيبة... جانا بعد ما وحشنا اوى و كنا مستنيينه... جانا و احنا محتاجينله المشكلة ان رمضان السنة دى جاى مع دخول المدارس و الكليات.. يعنى الناس مشغولة.. مش فاضياله!و عشان كدة انا قلت احاول افكركم..افكركم بانه فرصة لكل مسلم، فرصة عشان يقرب من ربنا و يخليه يرضى عنه، فرصة انه يصلح من نفسه و يقومها، فرصة انه يتعلم جهاد النفس و الشياطين مصفدة، فرصة من كل جهة و كمان اوكازيون للحصول على حسنات يعنى " اغتنم الفرصة و خد عل كل حسنة 10 حسنات او اكتر عليهم هدية "

عايزين ندخل فى جو رمضان شوية عايزين نبقى اذكياء و نغتنم الفرصة ، مش عايزين نطلع من رمضان ندمانين و مستيين رمضان اللى بعديه..عايزين كلنا نتكتب مع الناس الداخلة الجنة ان شاء الله السنة دى .ربنا يبلغنا رمضان و يتقبله منا و يجمعنا فى فردوسه

امثال مصرية تم التحريف بها, هيا الامثال ناقصة عشان يحرفوا فيها

اللى بيته من إزاز ميغيرش هدومه فى الصالون

فاقد الشىء يدور عليه

اقلب القدره على فومها الفول يقع منها

تأتى الرياح محمله بالأتربة

ياخبرالنهارده بفلوس بكره ينزل عليه أوكازيون

اللى معاه قرش محيره يجيب حمام ويحمره

جت الحزينه تفرح شغلت شريط حكيم وقعدت ترقص

قال يامحشحشين يكفيكوا شر الكمين

اللى ياكل لوحده يشبع

لاتبكى على اللبن فى البسكوت

اقطع عرق و حته بتلو

اطبخى ياجاريه الأنبوبه فاضيه يا سيدى

لو حبيبك عسل ما تحطلوش طحينة

اللى يتلسع من الشوربه يتصل بالمطافى

وبكره ترجع ريما من عند خلتها فى مارينا

ياداخل بين البصله وقشرتها حط قطرة علشان هادمع من ريحتها

اصوم اصوم وافطر على المدفع

القرش الأبيض بيعوم فى البحر الأحمر

ضربوا الأعور على عينه قالهم كسرتوا النضاره

الى ميشفش من الغربال يكشف نظر

المال السايب يعلم الطلبه

نام وارتاح وكل عسل نحل التمساح

من خرج من داره مينساش يأخد المفتاح معاه

الباب اللى يجيجلك منه الريح شيله وركب قبنورى

المضطر يركب التاكسى

رب صدفة خير من ألف ليلة و ليلة

اللى يخاف من العفريت يعمل عبيط

المركب اللى فيها رايسين يلعبوا طاولة

اللى خدتوا الأرعه تخدو ام الخلول

اللى ميعرفش يقول what

أكل العيش يحب الطعميه

العين عليهاlenses

قالوا للحرامى أحلف قالهم وحياة قلبى وأفراحوا