هم ليه هيرخصوا ال DSL ؟

يرخصوا ال
DSL

ماشى ، يحددوا ساعاته اهو ده اللى مش ممكن ابدا!!!
انبسطت اوى لما قالوا انهم حيرخصوا ال

DSL

، كده فيه ناس اكتر ممكن تدخل على النت و تتعرف على العالم من خلاله و تكتب مدونات و تتصفح الكتب و الجرايد المختلفة و و و .....و حلمت كتير باللى ممكن يعمله ناس اكتر مهتمة بالنت... لكن زى ما بيحصل دايما... اصطدمت بأرض الواقع... الحقيقة انى اصطدمت مرتين...
مرة لما شاحن ال

laptop

بتاعى خرب و اضطريت انى انزل ال

cyber

مرتين تلاتة عشان اخلص مشروع لازم اسلمه....هناك لقيت ولاد من كل الاعمار متنحين فى شاشة الكمبيوتر صوابعهم بتتحرك بسرعة و تعبير وشهم بيدل ان فيه حاجة مهمة بيعملوها... و فجأة تلاتة اربعة بدأوا يشتموا مرة واحدة و يزعقوا لبعض!!و طلع انهم بيلعبوا مع بعض و الشتيمة دى- اللى هى اصلا بتعدى كل حدود الأدب - هزار!!
و بعد 3 ايام ، و بعد ما لاحظت ان ممكن واحد ييجى يبلط بالساعات هناك عشان يلعب و يشتم بس – مع العلم ان اخويا بيقول ان ده cyber

محترم كمان - عرفت ايه اللى ممكن يعملوا الاولاد دول لو دخلوا على النت....
المرة التانية كانت القاضية... هيحددوا ساعات النت المتاحة فى الشهر وdownload لكل كمشترك... يا نهار أبيض و زى الفل... يعنى الواحد يلحق يخلص ايه ولا ايه فى ساعتين كل يوم، و الشركات اللى شغلها بيحتاج النت، و السنترز اللى كورساتها معتمدة على النت، و مهندسين الكمبيوتر، و امة لا اله الا الله اللى بتعمل كل حاجة على النت؟!..
مش فاهمة ايه فايدة القرار ده و لا ايه ابعاده؟ حتى لو حسبناها هنلاقى ان احنا هندفع اكتر من قبل كدة، لانك يا هتكمل بخط التليفون يا هتدخل اكتر من خط

DSL

!! طب ده لمصلحة مين؟اكيد مش احنا ..طب مين و ليه؟
سؤال اخير برئ.... هل للموضوع ده اى علاقة من قريب او بعيد بالتدوين اللى انتشر فى مصر اوى و بقى على عينك يا تاجر؟؟ بعد آخر لازم نفكر فيه لو حاولنا نفكر بطريقتهم...

مبروك عليكم الثورة و يا رب تكون اخر الاحزان!!

بيقولوا 55 سنة عدت على الثورة ... هو انا صحيح ماحضرتش الثورة و معرفش الوضع كان هيبقى ايه لو ماقامتش، بس اللى اعرفه ان جدتى اتسجنت بعد الثورة مش قبلها، ان اكلنا اتسرطن بعد الثورة، ان المية يا مبتوصلش لاماكن كتير فى مصر يا بتوصل ملوثة، ان الناس اللى بتتسجن بدون سبب اكتر من اللى بتتسجن بسبب، ان اللى بيقول رأيه يبقى بيتآمر و مش بيحب مصر، و اللى معاه مليون يسوى مليون واللى معهوش ما يلزموش،،، اللى اعرفه ان العلم بقى كوسة، و الشغل مش موجود ، و الشباب عايزين يسيبوا مصر، و لو لم اكن مصريا لوددت ان اكون كولالامبوريا... اللى اعرفه ان اى وسيلة مواصلات فى مصر مش امنة، و لو سلمت منها هيطلعلك توربينى، و لو سلمت اكلك و شربك ملوثين... انا بجد مش عارفة هى ايه فايدة الثورة دى!! حتى ألغاء الملكية متحققتش!!!عموما، بدل ماهو الثورة مش بتفرق فى حياة المصريين ( ده لو مش بتأثر بشكل سلبى كمان ) انا رأيى نجرب نقوم بثورة، يمكن بعد 55 سنة نطلع فى التلفزيون نتكلم عن انجازتنا العظيمة اللى حلمنا بيها و صدقنا انها اتحققت!!

حطَّه يا بطَّه/ سيد حجاب

حطَّه يا بطَّه/ سيد حجاب

حطَّه يا بطَّه يا دقن القطه
بابا جاي وشايل الشنطه
إيه في الشنطه
فيها ما فيها
غش وبوليتيكا وأوَنْطَه
حطه يا بطه
حاكم بابا شغلته ظابط
ضابط هابط
شابط لابط
راقع خابط
نازل شافط
طالع لاهط
عمره ما فكَّر فكره وصابت
عمره ما نبِّتْ زرعه وطابت
يزرع سكر يطلع شطه
حطه يا بطه
بابا عشان خَدْها بالملحق
بقى ظابط واتعيِّن ملحق
واترقى سفير ف وزير
إيه السر .. السر ف بير
والسر ف طرف النبوت
واللي يحل السر يموت
ياما نفسي يا بلدنا يا شابه
يبقوا الوزرا بفلات فوت
وقلوبهم مليانه مباسطه
حطه يا بطه
يا بلدنا يا زادنا وزوادنا
يا ام جدودنا وبنت ولادنا
إيه آخرتها مع الظباط
بيروقراط على تكنوقراط
حُكَما فلاسفه فشر سقراط
واحنا يا عيني غلابه بُساط
فردانيه ما بيناش رابطه
حطه يا بطه

يا مصري (شعر سيد حجاب(

.يا مـصـري
يا مصري ليه دنياك لخابيط
و الغلب محيطوالعنكبوت عشش ع الحيط
وسرح ع الغيط
يا مصري قوم هش الوطاويط ...
كفاياك تبليط
صعبة الحياة والحل بسيط ...
حبة تخطيط
فتحت باب استيرادك
وصرفت فوق ضعف إيرادك
حِلي للخواجة استكرادك
سابك بتقرا في أورادك
وده قشّطك ونزل تشفيط
يا مصري ليه دنياك لخابيط
والغلب محيط
والعنكبوت عشش ع الحيط
وسرح ع الغيط
ومهولاتي تحب تزيط
ساعة الفرح زغاريد تنطيط
وفي المياتم هات يا صويت
وفي المظاهرات سخن تشيط
و في الانتخاب تنسى التصويت
يا مصري ليه دنياك لخابيط
والغلب محيط
والعنكبوت عشش ع الحيط
وسرح ع الغيط
وليه بترشي وتتساهل
وتضيع حقوقك بالساهل
تستاهل النار تستاهل
يا غويط ويحسبك الجاهل
سهل وساهي وغبي وعبيط
يا مصري ليه دنياك لخابيط
و الغلب محيطو العنكبوت عشش ع الحيط و سرح ع الغيط
يا مصري يا للي الغلا عاصرك
والنهب في عصرك حاصدك
قوم للحياة واسبق عصرك
ولا حاجة هترجع مصرك
إلا ان تكون شغال ونشيط
يا مصري ليه دنياك لخابيط
والغلب محيطوالعنكبوت عشش ع الحيط وسرح ع الغيط
يا مصري قوم هش الوطاويط ...
كفياك تبليط
صعبة الحياة والحل بسيط ...
حبة تخطيط
شعر سيد حجاب

How Addicted to Blogging Are You?

87%How Addicted to Blogging Are You?

^{Im 87% addicted...is it a sever case or im just normal?...anyway.. since i started blogging im actually missing lots of the stuff that used to be so fun for me (as going out with my friends) just to blog!!..I dont know if this is wrong or no...but this 'blog' world is just too interesting that u cant not find stuff to do in it!!}