رمضان جانا و فرحنابه

رمضان جانا يا جماعة.. جانا بعد غيبة... جانا بعد ما وحشنا اوى و كنا مستنيينه... جانا و احنا محتاجينله المشكلة ان رمضان السنة دى جاى مع دخول المدارس و الكليات.. يعنى الناس مشغولة.. مش فاضياله!و عشان كدة انا قلت احاول افكركم..افكركم بانه فرصة لكل مسلم، فرصة عشان يقرب من ربنا و يخليه يرضى عنه، فرصة انه يصلح من نفسه و يقومها، فرصة انه يتعلم جهاد النفس و الشياطين مصفدة، فرصة من كل جهة و كمان اوكازيون للحصول على حسنات يعنى " اغتنم الفرصة و خد عل كل حسنة 10 حسنات او اكتر عليهم هدية "

عايزين ندخل فى جو رمضان شوية عايزين نبقى اذكياء و نغتنم الفرصة ، مش عايزين نطلع من رمضان ندمانين و مستيين رمضان اللى بعديه..عايزين كلنا نتكتب مع الناس الداخلة الجنة ان شاء الله السنة دى .ربنا يبلغنا رمضان و يتقبله منا و يجمعنا فى فردوسه