و مضى عام أخر من حياتى !!
رغم ان اللى فرق بين غادة 19 سنة و غاده 20 سنة
هى الثانية اللى حولت الساعة من 11:59، يوم 31 أغسطس 2009
الى 12:00 ، 1 سبتمبر 2009 ..
الا انى حاسة السنة دى ان رقم عشرين ده لازم يكون له معنى تانى جديد !!
انهاردة مش بس عيد ميلادى و أعلان عن عام أخر فى حياتى
لكن دى كمان أول مرة تتغير ال
tens
اللى فى رقم عيد ميلادى من 10 سنين !!
رقم واحد فال
tens
شهد الكتييييييييييير من التغيرات فى حياتى ..
ابتدائى و أعدادى و ثانوى و جامعة !!
تغيير مدارس و بلاد عايشة فيها ..
تغيير شلة صحباتى مرات كثير ..
لبسى للحجاب ..
دخولى لعالم الأعمال التطوعية ..
ولادة أقارب جداد لىّ ..
موت ناس عزيزة جدا اللى قلبى لأول مرة فى حياتى ..
قربى لربنا ساعات ..
بعدى عنه ساعات :(:( ..
ناس فرحت بمعرفتهم ..
و ناس ...
حاجات فخرت انى عملتها و حاجات ندمت عليها !!
مشاعر مختلفة و تغيرات كتيييييييرة ..
و دلوقتى بعد ما الساعة دقت و بقيت عشرين ..
مش عارفة هل قيمت المرحلة اللى فاتت صح بينى و بين نفسى ؟
هل أحلامى اللى ببنيها للمرحلة اللى جاية مناسبة ؟
طب لو رقم واحد شهد أحداث كتيييييييير زى كل دول ..
يا ترى رقم 2 هيشهد اكتر و لا أقل ؟
أحلى ولا .. ؟
طب هل ربنا راضى عن أى تطور حصل فى حياتى فى العشر سنين اللى فاتوا دول ؟
هل راضى عنى و انا بكتب السطور دى و الساعة بتدق دقتها لتعلن عن يوم جديد فى عام جديد لىّ؟
هل مكتوب عنده انه هيهدينى أكتر العشر السنين اللى جاية و هقربله أكتر ؟
طب و صحباتى ؟
هل صحباتى دلوقتى هم الأفضل على الأطلاق ؟
طب هنكمل مع بعض لغاية الثلاثين و لا الحياة هتاخدنا بعد الكلية ؟
و مين هتتغير فينا ازاى الفترة اللى جاية ؟!!
و زمايلى ؟؟
هل فعلا دول الأحسن من كل اللى عرفتهم فى حياتى و اللى هعرفهم ؟
هل كل اللى أشتغلت معاهم الستتن اللى فاتت دول بالذات هنفضل نشتغل مع بعض بعد كدة ؟
هل هم دول اللى هيكملوا معايا أى أحلام ببنيها للفترة اللى جاية؟
* * * * * * * * * * * * * * * * * * * * * *
و فى العشر سنين اللى جاية ..
فيه ناس جديدة هتتولد ..
و فيه ناس هتموت ..
طب انا هكون موجودة بعد عشر سنين لسة ؟!!
مين هاييجى تانى ؟؟
و مين هزعل على فراقه :( ؟
طب حياتى هتتغير أزاى و قد ايه ؟
و هكون محققة ايه أما أكمل 30 سنة ان شاء الله لو لىّ عمر ؟!
قد اللى حققته العشر سنين اللى فاتت ؟
أقل ؟
أكتر ؟
و مين الناس اللى هيدخلوا فى حياتى ؟
و مين اللى هيمشوا و انساهم ؟
و مين اللى هيختفوا و مايكنش ليهم أثر؟!
* * * * * * * * * * * * * * * * * * * * * *
العام الجديد ده بالرقم الغريب اللى جد علىّ
بيخلينى أفكر فى حاجات كتييييير و أتأمل شريط حياتى السابقة ..
هل عملت اللى علىّ فى الفترة اللى فاتت ؟
و هعمل ايه فى اللى جاى ؟
أسئلة كتييييييييييييير ..
بس اللى أظن انه يهمنا كلنا و فى كل يوم من حياتنا..
تقييمنا لحياتنا و كل لحظة ربنا بيحاسبنا عليها ..
و استعدادنا الدائم لسؤال ربنا عن
"عمره فيما أفناه وعن شبابه فيما أبلاه"..
و يمكن بعد العشرين أبدأ أفكر فى الحديث كله
"لاتزول قدما عبد يوم القيامة حتى يسأل عن أربع
عن عمره فيما أفناه وعن شبابه فيما أبلاه
وعن ماله من أين اكتسبه وفيما أنفقه وعن علمه ماذا عمل به"
* * * * * * * * * * * * * * * * * * * * * *
دعواتكم لىّ أعدى المرحلة القادمة بنجاح و رضى من ربنا سبحاته و تعالى :):)
* * * * * * * * * * * * * * * * * * * * * *
و أكيد و انا بودع ال 19 و كل العشر سنين بتوع "الواحد" ،،
بفتكر شخص شخص من اللى أثروا فى حياتى ..
و بشكرهم مرة و اتنين و ألف انهم تواجدوا فى حياتى فى يوم من الأيام ..
و انى اتعلمت منهم بطريقة مباشرة او غير مباشر أى حاجة ..
و بتمنى ان كللللللللللل الناس اللى بحبها و استريح-لها دلوقتى ..
يفضلوا معايا ،،
مش بس لغاية التلاتين ..
لكن طول ما انا لسة فىّ نفس ..
و الناس اللى مش بحبها أوى ..
يتمنى أحبها و نكون أقرب لبعض فى الفترة اللى جاية :)
و زى ما بيقولوا ..
الزمن بيمحى الكتيييييييييير ..
بس يا رييت يكون بيمحى بس اللحظات السيئة فى حياتنا ..
و يسيب كل اللحظات و الناس الجميلة اللى بيمروا علينا فى كل لحظة من حياتنا
:):):)
* * * * * * * * * * * * * * * * * * * * * *
شكرا ليكم كلللللللللكم لأنكم موجودين دلوقتى فى حياتى ..
بتقروا النوت و تشاركونى اللحظة دى ..
و يا رب دايما و عقبال كل سنة
^_^
01-09-2009
